L’Asociación d’Empreses d’Artes Escéniques EscenAsturias recibió 185 candidatures na decimoquinta convocatoria de los Premios Oh! de les Artes Escéniques d’Asturies. Los Oh!
son los galardones que reconocen añalmente’l talentu de los profesionales de los escenarios asturianos y que van ser apurríos el próximu 2 de febreru nel Teatru Xovellanos (20:30 hores).
Dieciocho espectáculos de diecisiete compañíes profesionales asturianes aspiren siquier a unu de los once premios de los Oh!, que correspuenden a les siguientes categoríes: Meyor Espectáculu, Meyor Espectáculu pa la infancia, Meyor Dirección, Meyor Intérprete Masculín, Meyor Intérprete Femenina, Meyor Autoría o Coreografía, Meyor Producción, Meyor Composición Orixinal- Espaciu sonoru, Meyor Escenografía – Espaciu Escénicu, Meyor Indumentaria o Caracterización y Meyor Diseñu d’iluminación.
Dolce d’estes producciones van competir pol Oh! al Meyor Espectáculu y seis concursarán na categoría de Meyor Espectáculu pa la Infancia. En cuanto al restu de categoríes, la décimoquinta edición de los Oh! recibió 19 propuestes pal galardón de Meyor Autoría o Coreografía; 16 directores y directores van competir na so categoría; 25 actrices y baillarines van optar al de Meyor Intérprete Femenina; 22 actores y baillarinos, al de Meyor Intérprete Masculín y 19 obres aspiren a la Meyor Producción. El restu de categoríes recibieron el siguiente númberu de candidatures: Meyor Composición Orixinal- Espaciu sonoru (15), Meyor Escenografía-Espaciu Escénicu (19), Meyor Indumentaria o Caracterización (15) y Meyor Diseñu d’iluminación (14).
