XIXÓN, 8 d’abril de 2022.- “¡Hola! Bienvenidas y bienvenidos al Jardín Botánico Atlántico. Aquí te esperan nada más y nada menos que… ¡30.000 plantas! Yo soy Espumeru y me gusta jugar con la espuma de las olas”. Asina nos saluda esti ser mitolóxicu na parada primera de la nueva ruta de realidá aumentada que desendolcó Visita Xixón, cola collaboración del Xardín Botánicu Atlánticu, nún de los espacios más valoraos y visitaos polos y les turistes qu’aporten a la ciudá.
Esta nueva ruta de realidá aumentada foi inaugurada güei pol conceyal de Promoción Económica, Emplegu, Turismu y Comerciu Llocal, Santos Tejón Llaneza, y pol conceyal de Mediu Ambiente y Movilidá, Aurelio Martín. La propuesta adiéntranos nel Botánicu al traviés de seis personaxes de la mitoloxía asturiana diseñaos por Ruma Barbero y que yá apaecen nel cómic Les siete maraviyes de Xixón, que pue conseguise n’Infoxixón.
Así, Espumeru preséntanos la zona de les dunes; Xana apaez nel estanque del xardín de la Isla; Nuberu introduznos na viesca boreal europea; Cuélebre descansa na zona del llagu; Busgosa escúbrenos la Carbayera de Tragamón; y, por último, Trasgu amuésanos la casa del Molín de Rionda.
“Se trata de una propuesta para descubrir el Jardín Botánico de otra manera”, esplica’l conceyal de Mediu Ambiente y Movilidá, Aurelio Martín, que sorraya l’esfuerciu que s’está realizando pa potenciar l’equipamientu como recursu turísticu sostenible. “Con esta nueva ruta de realidad aumentada pretendemos animar a las familias a que vengan con sus niños a conocer de una forma divertida e innovadora uno de los espacios más singulares de Asturias”.
Esta ye la tercer ruta de realidá aumentada desendolcada por Visita Gijón/Xixón y xúnese a les yá desendolcaes Cimavilla AR y Gijón/Xixón entre siglos AR. Estes rutes son parte del nuevu proyeutu de Visita Xixón que propón, al traviés de la realidá aumentada, un percorríu pela hestoria y la idiosincrasia de la ciudá asturiana. Les rutes tan disponibles en castellán, inglés y francés. Ta previsto desendolcar cinco rutes nueves a lo llargo de 2022.
“La realidad aumentada es una tecnología que ofrece un montón de posibilidades. La forma de viajar ha cambiado con la aparición de Internet. Esta es una experiencia única, divertida y didáctica para descubrir en familia uno de los lugares más atractivos de la ciudad”, comenta Santos Tejón Llaneza.
La incorporación de la realidá aumentada como teunoloxía puntera d’un destín dixitalizáu y turísticamente intelixente inclúise nel Plan d’Aición de Destín Turísticu Intelixente de Xixón 2020-22. Arriendes d’ello, el proyeutu de rutes de realidá aumentada de Visita Xixón ye una de les 40 bones práutiques en patrimoniu cultural desendolcaes polos destinos de la Red DTI pa la so tresformación.
