Tres l’ésitu de la so primer edición Emerxentes celebra nuevamente un festival nel que les artistes emerxentes asturianes son protagonistes. L’eventu va tener llugar a lo llargo de trés díes, en dos ciudaes – Xixón y Llangréu – trés localizaciones – Sala Acapulco, Sala Telva y Galería Sala Sola –, 7 conciertos y 11 artistes plástiques y gráfiques, con entraes de 10 a 12 euros.
Día 8 de payares
A les 19.00 hores la Sala Acapulco (Xixón) va abrir les sos puertes p’acoyer la primer parada del festival que va cuntar colos conciertos de Vilba, Terrenal y Noland, bandes de la escena alternativa que transiten pel rock, el punk y el pop-folk. Amás, va haber una intervención artística al cargu d’Alba Matilla.
Entraes: 10 euros anticipada / 12 euros en taquilla
Día 9 de payares
En collaboración el mediu HHOPCAST, dedicáu a la cultura urbana y el hiphop, la sala Telva (Llangréu) va abrir les sos puertes a les 19.00 hores pa esfrutar d’una nueche dedicada a xéneros urbanos colos conciertos de Souls In Pain, Albwhisp, Gael y Cecé.
Entraes: 10 euros antemanada / 12 euros en taquilla
Día 10 de payares
Mientres tolos díes del festival podrá visitase na Galería Sala Sola (Xixón), una esposición d’artes plástiques y gráfiques titulada “Destín” que representen distintes idees sobre’l futuru de asturies que quixeron afigurar los sos artistes. Les 10 obres fueron escoyíes por aciu un concursu que valoró la calidá, orixinalidá yá adecuación a la temática de les obres. El públicu va poder votes la so obra favorita y el día 10 vamos anunciar el ganador en “EL SANTU VERMÚ” una fiesta de zarru del festival patrocinada por SANTA CERVEZA (Fuensanta), productu que tolos visitantes van poder probar de manera gratuita.
Entrada llibre y gratuita.
Sol lema “Destín Asturies 2039”, esta segunda edición pretende ser una rempuesta a les
predicciones catastrofistas que pesen sobre Asturies y agoren grandes perdes de población y l’avieyamientu de la sociedá asturiana. Emerxentes quier celebrar el talentu asturianu y apostar por un futuru llenu de cultura, trabayu, emprendimientu y proyectos creativos.
