La Conseyería de Mediu Rural y Política Agraria convocó les ayudes de la Intervención Sectorial Apícola, enmarcaes nel Plan Estratéxicu Nacional de Política Agraria Común 2023-2027 (PEPAC). Les sovenciones tán dotaes con 360.000 euros y tienen como oxetivu ameyorar la ellaboración y comercialización de los productos procedentes de l’apicultura.
Les ayudes destínense principalmente a los tratamientos contra la varroosis, la enfermedá que más daños causa a l’apicultura a nivel mundial; la racionalización de l’alzada; l’asistencia técnica y la formación, amás de la realización d’analís del miel y l’alimentación de les abeyes. Coles mesmes, pretende contribuyise al repoblamientu de los truébanos con ayudes pa l’alquisición de reines y ensames, con prioridá, a solicitú del sector, pa l’abeya negra ibérica.
Los recursos movilizaos tán destinaos a cubrir los gastos ya inversiones, realizaos y pagos por persones titulares d’esplotaciones apícolas y les agrupaciones de les mesmes nel períodu ente’l 1 de xineru y 31 de xunetu de 2023, dambos inclusive.
