El Gobiernu asturianu ufiertó’l so sofitu al plan de crecimientu de la multinacional americana Merkle/Divisadero n’Asturies. La consultora yá cunta con trés centros de trabayu en Xixón, Madrid y Barcelona, que sumen más de 350 trabayadores. El centru asturianu ye, amás, la so sede central.
La directora xeneral del Idepa, Eva Pando, presentó a los directivos de la multinacional los factores que faen de la comunidá un llugar privilexáu pa invertir y crecer. «Asturies dispón del capital humanu, la redolada empresarial y les infraestructures de soporte aparentes pa favorecer el crecimientu de la consultora», aseguró.
«Asturies dispón del capital humanu, la redolada empresarial y les infraestructures de soporte»
Pando axuntóse esti miércoles con responsables de la compañía para esquizar les posibles víes de comunicación. L’alcuentru enmárcase na estratexa del Gobiernu d’Asturies p’atraer nueves inversiones y actividaes empresariales, n’espacial aquelles que diversifiquen el texíu granible y creen mayor valor nos productos y servicios xeneraos na comunidá.
Dende’l so aterrizaxe n’Europa en 2015, la consultora americana creció en distintos países de la rexón EMEA (Europa, Oriente Mediu y África), ente ellos España, y nel so plan d’espansión nesti área, la organización punxo’l focu n’Asturies gracies a la so trayectoria y competitividá nel sector tecnolóxicu.
Manuel Blanco, CEO de Merkle/Divisadero, destacó la receptibilidad de la multinacional y aseguró que «nos arguyez que la nuestra sede central s’alcuentre n’Asturies». «Creemos y apostamos por esta comunidá, gracies al potencial qu’ufierta pa la nuesa actividá». Dambes partes confíen en construyir sinerxes que se materialicen nuna mayor presencia de la multinacional na comunidá.
Na xunta celebrada esti miércoles participaron, amás d’Eva Pando y Manuel Blanco, Michael Komasinski, presidente de Merkle EMEA, y André Andrade, CEO del grupu Dentsu Aegis Network Iberia. Merkle ye una axencia global de People-Based Marketing, líder nel usu del datu y la tecnoloxía, especializada en desenvolver esperiencies de vecera úniques y personalizaes al traviés de distintes plataformes y dispositivos. En 2017, Merkle adquirió la consultora española Divisadero, especializada n’intelixencia dixital.
