Meryl Streep, Premio Princesa d’Asturies de les Artes 2023, va participar nun alcuentru col públicu nel que va aldericar con Antonio Banderas sobre l’oficiu y la so esperiencia y trayectoria artística. Amás, nel actu, que va ser presentáu por Sandra Rotondo, miembru del xuráu del Premiu Princesa d’Asturies de les Artes, va incluyise una selección d’entrugues que los asistentes van poder plantegar a la intérprete.
L’actu, entamáu nel marcu de la Selmana de los Premios», va tener llugar el miércoles 18 d’ochobre, a les 19:30 hores, nel Palaciu d’Esposiciones y Congresos d’Uviéu. La premiada tamién va caltener un alcuentru con una representación del profesoráu y alumnáu de 3u y 4u d’ESO, Bachilleratu y Formación Profesional, que participó na actividá «Les decisiones de Meryl» del programa cultural pa centros educativos del Principáu d’Asturies «Toma la palabra». Esti actu celebraráse’l miércoles 18 d’ochobre, a les 12:30 hores, na Nave Almacén de la Fábrica d’Armes de La Vega, n’Uviéu.
Amás, l’actriz va axuntar con estudiantes de la Escuela Cimera d’Arte Dramático (ESAD) del Principáu d’Asturies, que van representar escenes de teatru español n’homenaxe a la galardonada. Va Ser el xueves 19 d’ochobre, a les 12:00 hores, na see de la ESAD, en Xixón.
