El Festival Metrópoli, que se va celebrar nel recintu ferial Luis Adaro del 30 de xunu al 9 de xunetu, pieslla’l cartel d’artistes. A Lola Índigo, «Mägo de Oz”, Daviles de Novelda, “Camela”, “Sidecars”, “Tigre y Diamante”, «Drugos» y “Lágrimas de Sangre”, súmanse «Nicki Nicole» o «Lit Killah» y «M-Clan», Nia, «Kitai» o «Ayax y Prok».
A lo primero, el vienres 30 de xunu va ser el turnu de l’actriz y cantante Nia nun primer turnu, que va rematar darréu Lola Índigo. Al día siguiente, va ser la vez de «Drugos», «Daviles de Novelda» y «3Pac». Un primer fin de selmana que va zarrar el grupu d’indie asturianu «Tigre y Diamante» y unu de los grupos más conocíos de la escena musical española, «Mägo de Oz».
El llunes 3 de xunetu va arrincar con «Kitai» y el xixonés Enol y Lit Killah, siendo’l martes 4 el turnu de «Lágrimas de Sangre» y «Camela». El martes 5 van xubise a los escenarios «Huecco» y el grupu pop «Sidecars», mientres que la xornada del miércoles va ser pa la artista cabeza de cartel, Nicki Nicole, acompañada de los uvieínos «Muñeco Vudú».
La última fin de selmana va pesllar con 3 díes de pura música. El vienres 7 de xunetu ye’l tiempu de Niño Lord.Cah y KIR4, y M-Clan, mientres que pal sábadu tán programaos los conciertos de Nanpa Básico y los granadinos Ayax y Prok. Los artistes encargaos de poner el ramu a la edición nueva de Metropoli van ser Fusa Nocta y Ramudo, que van actuar primeramente al gran zarru cola Bresh Party.
