Col títulu “Música n’asturianu SÍ» musicasturiana.com asoleya un manifiestu pa dar respuesta dende’l sector musical a les intenciones de VOX de nun programar música n’asturanu nos eventos festivos de Xixón.
El manifiestu denuncia la «vulneración de derechos gravísima», esixe «responsabilidaes polítiques» y que «de nenguna manera esta intención declarada llegue a facese realidá». Pa ello, la iniciativa busca apoyos individuales y colectivos del sector musical que se pueden facer rellenando esti formulariu hasta’l domingu 2 de xunetu, porque’l planteamientu ye facer públicos los sofitos la selmana del 3 de xunetu.
El manifiestu completu pue lleese equí y, anque ta centráu nel ámbitu musical, esclaria que sofita «otres iniciatives más amplies que puedan surdir pa dar respuesta a cualquier vulneración de derechos fundamentales».
