La Conseyería de Salú del Principáu d’Asturies confirma 265 nuevos casos de coronavirus. El SESPA realizó ayeri 5.174 pruebes y la tasa de positividad asitiase nel 7%. Anguaño, n’Asturies hai 65 brotes activos de los que 21 fueron detectaos na última selmana.
Per otra parte, na xornada d’ayeri produciéronse 76 ingresos en planta y 9 en UCI, y rexistráronse 68 altes. Anguaño, hai 573 pacientes hospitalizaos con confirmación o barruntu de covid-19 y 125 persones permanecen en UCI. El porcentaxe d’ocupación nos hospitales asturianos ye del 60’07%.
Tocantes a los decesos, ayeri finaron 8 persones: ocho muyeres y trés homes, un d’ellos con residencia nun centro sociu sanitariu pa mayores.
Decidióse que’l conceyu de Noreña abandone la situación de riesgu 4+ por coronavirus a partir de les 00:00 hores d’esti vienres, al producise una evidente meyora de la evolución epidemiolóxica. Dende’l 23 de xineru que s’enllantaren les midíes restrictives, consiguióse controlar la tresmisión del virus en gran midida. Na última selmana namás se rexistraron 4 positivos y nos dos últimos díes nun se rellacionó nengunu con esti conceyu.
