Empléu públicu: convocaes oposiciones pa cubrir 8.102 places

Los interesaos disponen de 20 díes, a partir de mañana y hasta el 15 de xunetu, pa presentar la so solicitú pa los distintos procesos selectivos

0
868
Empléu públicu: convocaes oposiciones pa cubrir 8.102 places

El Boletín Oficial del Estáu (BOE) publica esti llunes la convocatoria d’oposiciones pa cubrir un total de 8.102 places correspondientes a la Ufierta d’Empléu Públicu de 2018. La convocatoria quier encarar l’avieyamientu de les plantiyes. La media d’edá na Alministración Xeneral del Estáu algama los 52 años. Espérase que na próxima década de xubilen casi 70.000 emplegaos públicos.

A partir d’esti martes ábrese un plazu 20 díes hábiles pa la presentación de solicitúes. Espérense cerca de 200.000 candidatures. Les solicitúes van poder realizase namás per vía electrónica al traviés de l’aplicación Inscripción de Pruebes Selectives (IPS) del Puntu d’Accesu Xeneral.

Les places

La convocatoria d’empléu públicu inclúi 1.081 places (681 d’ingresu llibre y 400 de promoción interna) pal Cuerpu de Xestión de l’Alministración Civil del Estáu; 3.729 places (2.029 d’ingresu llibre y 1.700 de promoción interna) pal Cuerpu Xeneral Alministrativu del Estáu y 2.444 places (1.444 d’ingresu llibre y 1.000 de promoción interna) pal Cuerpu Xeneral d’Auxiliares. Amás, convóquense 358 places (218 d’ingresu llibre y 140 de promoción directa) pal Cuerpu de Xestión de los Sistemes ya Informática de l’Alministración del Estáu, según 490 places (385 d’ingresu llibre y 105 de promoción interna) pal Cuerpu de Técnicos Auxiliares d’Informática de l’Alministración del Estáu. Del total de les places convocaes, 596 acútense pa cubrir por persones con discapacidá.