Tres 5 díes de reflexón, el presidente del gobiernu del estáu español, Pedro Sánchez, anunció esta mañana que va siguir al frente de la presidencia. El líder del gobiernu español salía a les 11:00 hores a la escalinata del Palaciu de la Moncloa y, ellí, llanzaba esti mensaxe:
“El pasáu miércoles escribí una carta dirixida a la ciudadanía, plantegábame si merecía la pena. Tengo la respuesta clara. Si dexamos ataques a persones inocentes, entós nun merez la pena. Si dexamos que les mentires sustitúin l’alderique, entós nun merez la pena. Precisaba parar y cavilgar. La carta puede desconcertar porque nun obedez a cálculu políticu. Reconocí antes quien busquen quebrame, que duel vivir estes situaciones. Actué dende un convencimientu claru. Esto nun ye una cuestión ideolóxica”.
D’esta manera, Pedro Sánchez anunciaba qu’asume «la decisión de siguir, con más fuerza si se pue. Esto nun va del destín d’un dirixente particular. Trátase de decidir qué tipu de sociedá queremos ser. El nuesu país precisa esta reflexón. Llevamos demasiáu tiempu dexando que’l barru contamine la nuesa vida pública.
