Les elecciones al Parlament de Catalunya dexen un escenariu abegosu pa les formaciones polítiques, que van tener que llegar a alcuerdos pa poder gobernar. El PSC ganó los comicios con 42 escaños per delantre de les dos principales formaciones independentistes. Junts y Esquerra Republicana.
Un día depués, prodúcense dos movimientos importantes nesos dos partíos catalanistes. D’una banda, el que fuera hasta agora presidente de la Generalitat y actual presidente en funciones, Pere Aragonès, anuncia que nun va tar nel Parlament y dexa la primer llinia de la política tres la baxada importante de votos y escaños na nueche d’ayeri, onde perdió casi la metá de los votos. D’otra banda, el tamién expresidente Carles Puigdemont dio anuncia esta mañana de la presentación como candidatu a la invistidura de la Generalitat. Dos movimientos que van dar que falar nos díes vinientes.
Salvador Illa, candidatu del PSC, ganó les elecciones en Cataluña celebraes esti domingu 12 de mayu de 2024. La candidatura socialista del ex ministru de Sanidá llogró 42 diputaos. Sicasí, los resultaos de les elecciones catalanes nun refundien nenguna mayoría absoluta polo que los partíos tendrán de llevar a cabo pactos.
Na primer votación d’invistidura ye necesaria la mayoría absoluta. Si nengún aspirante la consiguiera, produzse una segunda votación na que vence’l candidatu que llogre más síes que noes.
