Iniciativa pol Asturianu esixe a l’alcaldesa de Xixón, Carmen Moriyón, que destituya de forma inmediata al presidente de Divertia, la empresa municipal encargada de la programación de festexos del conceyu. El responsable d’esta estaya, Oliver Suárez, ye’l conceyal trésfuga de VOX. Nuna entrevista publicada esti domingu nel diariu ‘El Comercio’ el conceyal non adscritu insinuó de nuevo’l so vetu a la contratación d’actuaciones n’asturianu, y trespasando toles llinies de la intolerancia, afirmó sobre l’asturianu que “es una lengua que no existe”. Estes declaraciones xeneraron una importante repercusión en redes sociales reclamando una respuesta a Carmen Moriyón y tamién al diputáu y secretariu xeneral de Foro, Adrián Pumares.
El concejal tránsfuga de Vox y presidente de Divertia, Óliver Suárez, ya no es que continúe con el veto a artistas en asturiano, es que ahora ya es directamente negacionista de la lengua. A esto tenéis organizando los festejos en Xixón @CarmenMoriyon @AdrianPumares pic.twitter.com/b4w9WxPy49
— Nordés (@Nordes1979) November 26, 2023
Óliver Suárez, Presidente de Divertia güei n'El Comercio.
Óliver Suárez diz qu'aplicará la so zuna y odiu pa colos falantes y defensores de asturianu, anque solo cuando lu dexen.
Discriminación y vetu, pero solo de vez en cuando.
Mira @RodrigoCuevasG yá te dexen entrar. pic.twitter.com/UxLsiXjYVM
— Rubén Ardura (@rubenfernandeza) November 26, 2023
Pa Iniciativa pol Asturianu, qu’emitía esti domingu una nota prensa, «ye inalmisible qu’un cargu públicu faiga declaraciones como estes, yá que suponen l’afitamientu de la discriminación de la ciudadanía falante d’asturianu, asina como un ataque a un patrimoniu cultural protexíu pol Estatutu d’Autonomía d’Asturies, la Ordenanza de Normalización Llingüística de Xixón y, por supuestu, la Constitución española».
La organización de reivindicación llingüística reclama a Carmen Moriyón «qu’esclarie si caltién la confianza nun conceyal negacionista del asturianu que defende acciones discriminatories contra l’usu del idioma». D’igual manera, la entidá pide al PP, como sociu del gobiernu local, un posicionamientu claru «énte esta discriminación pa col asturianu y los artistes qu’usen esta llingua nes sos creaciones».
Pa Iniciativa pol Asturianu «La ciudadanía de Xixón nun merez un tratu humildante al so patrimoniu llingüísticu como’l que vienen sintiendo nestos meses caberos per parte de miembros del gobiernu lideráu por Carmen Moriyón».