Esti xueves 11 de payares a les 12:00 hores, la sala d’esposiciones del centru polivalante de Llacín (Porrúa), acueye la presentación de la esposición RCTA Reinterpretación de la Cultura Tradicional Asturiana, del artista Ricardo Villoria. La cita va cuntar cola presencia del autor, que va realizar una visita guiada pela esposición.
Na muestra, que se puede ver hasta’l 13 d’avientu, Ricardo Villoria analiza, crea y fotografía delles pieces de vestimenta tradicional asturiana creando escéntricos maridaxes con látex, terciopelu, pañu y pedrería. El resultáu remata nun corset de terciopelu prietu diseñáu pol artista en collaboración cola artesana llanisca Josefina Fernández que se puede ver na esposición, amás de delles pieces nel apartáu audiovisual qu’amuesa escenes de la tonada asturiana y de la matanza del gochu.
La esposición, qu’axunta tres disciplines (fotografía, vídeu ya indumentaria), ta organizada en collaboracion cola Casa de Cultura de Llanes y forma parte del programa Cultura en Rede de la Conseyería de Cultura, Política Llingüística y Turismu del Principáu d’Asturies.
La exposición, que aúna tres disciplinas,- fotografía, vídeo e indumentaria-,
está organizada en colaboración con la Casa de Cultura de Llanes y forma
parte del programa Cultura en Rede de la Consejería de Cultura, Política
Llinguística y Turismo del Principado de Asturias.
