Esta mañana presentóse en rueda prensa les 4.200 firmes verificaes y protagonizaes pol sector cultural qu’apoyaron el manifiestu «Música n’asturianu SÍ». Intervinieron David Varela, Leticia Baselgas y Xicu Ariza en representación del manifiestu, arroparon persones de la música y cultura d’Asturies y les entidaes Sociedad Cultural Gijonesa, Asociación Grana, la Caja Músicos, Sociedad Cultural Gesto y Atenéu Obreru de Xixón.
Xunto a estes entidaes anunciaron la presentación d’una moción al Conceyu de Xixón pa garantizar y promover la música n’asturianu y la llibertá d’espresión. Amás pidieron que l’alcaldesa Carmen Moriyón «rechace contundentemente les pallabres y les intenciones de la so compañera de gobiernu» y que Sara Álvarez Rouco «habría ser cesada como conceyala de Festexos».
