Muséu del Ferrocarril d'Asturies

El Muséu del Ferrocarril reabre parcialmente les sos puertes. L’espaciu ta siendo sometíu a importantes obres de caltenimientu y meyora de la cubierta y otros espacios, llume, pintura de les estructures y tratamientos de caltenimientu. A lo llargo del mes de setiembre va llevase a cabu la reapertura de la segunda zona del muséu, correspondiente a la sablera de víes y nave polivalente.

En concretu, van ser visitables les sales d’esposiciones permanentes, esposiciones temporales y l’espaciu d’andenes so marquesina. L’accesu va ser llibre y gratuitu n’horariu de martes a vienres de 10 a 19 hores y los sábados y domingos 10:30 a 19 hores. Les llimitaciones d’aforu van ser les que señala la normativa de seguridá en relación al coronavirus COVID-19.

El Muséu foi inauguráu’l 22 d’ochobre de 1998, cola presencia del daquella Príncipe d’Asturies, actual rei Felipe VI. L’equipamientu consolidóse como unu de los más relevantes museos de la so especialidá en toa España. Dende la so apertura más de trés cuartos de millón de persones visitaron les sos instalaciones.