Teniendo en cuenta la situación sanitaria actual, a partir de güei, llunes 1 de marzu, les biblioteques de Xixón retomen los servicios d’empréstamu y devolución, llectura en sala, prensa y mediateca, amás d’aquelles actividaes p’adultos programaes poles mesmes biblioteques de la Rede Municipal o en collaboración con otres estayes del Conceyu de Xixón (clús de llectura, cursu mediateca, llingües en compañía, etc.)
L’accesu a les biblioteques de la Rede Municipal va facese por aciu cita previa que se va solicitar en caún de los equipamientos al traviés del teléfonu o del corréu lletrónicu, indicando en cada casu’l serviciu al que deseya allegar: empréstamu/devolución, prensa, llectura en sala o mediateca.
Por cuenta de la restricción d’aforos, namás va permitise un usu/cita per día y persona
van respetase escrupulosamente les midíes básiques d’hixene establecíes: distancia, circulación señalizada, obligatoriedá del usu del mázcaru y de llimpieza de manos con xel hidroalcohólico al aportar a la biblioteca, ventilación etc. Afítase amás un aforu específicu pa caúna de les biblioteques de la Rede Municipal en función de les sos dimensiones y característiques particulares.
Nes biblioteques del Conceyu con horariu continuu de 9:00 a 20:00 hores (La Calzada, Pumarín Xixón-Sur, El Coto, El Llano, L’Arena, El Polígono de Pumarín, Contrueces, Vega-La Camocha y El Natahoyo) afítense 6 franxes horaries de 1,5 hores de duración, igual pa tolos servicios mentaos.
09:15 a 10:45
11:00 a 12:30
12:45 a 14:15
14:45 a 16:15
16:30 a 18:00
18:15 a 19:45
Na Biblioteca de Roces afítense 5 franxes horaries de 1,5 hores de duración, igual pa tolos servicios mentaos.
09:00 a 10:30
10:45 a 12:15
12:30 a 14:00
16:30 a 18:00
18:15 a 19:45
Na biblioteca de Montiana afítense 2 franxes horaries de 1,5 hores de duración, igual pa tolos servicios mentaos.
16:15 a 17:45
18:00 a 19:45
L’usuariu/a pue permanecer nes biblioteques un máximu de 90 minutos, nel intervalu d’horariu escoyíu. La organización de los tramos horarios y el tiempu d’estancia respuende a la necesidá de garantizar el cumplimientu de les normes sanitaries (aforos, tiempos de ventilación, desinfección etc.)
