Rematen les obres na carretera de Batiao

0
13

Les obres pal sostenimientu de la carretera de Batiao, en L’Abadía Cenero, remataron. El Conceyu de Xixón yá recepcionó la obra. Los trabayos consistieron nel arreglu del argayu del terrén que dexó un tramu de 96 metros descalzu a consecuencia de les envernaes de seronda. L’argayu imposibilitaba’l tránsitu seguru de vehículos y afectaba al tresporte escolar. Por esti motivu, l’actuación foi proxectada pol trámite d’emerxencia. La vía articula’l tráficu de les parroquies de Serín, San Andrés de los Tacones y Fresno.

Pa realizar la estructura de suxeción del camín, executóse un muriu d’escollera de densidá 1900 kg/m3 encimentada sobro una llosa de formigón armáu. Una vegada termináu, reconstruyóse’l firme de la carretera, fízose la rede de drenaxe del vial y a la pavimentación con tremáu asfálticu. Los trabayos axudicáronse por 231.589,33 euros con un plazu d’execución de 2 meses que tuvo que ser ampliáu dos selmanes por cuenta de la inestabilidá del terrén.