El Conceyu da «la última prórroga» a l’axudicataria de la residencia d’estudiantes

El nuevu cronograma d'obra amenorga'l plazu d'execución de 18 a 12 meses

0
698
El Conceyu da
Proyectu de la residencia d'estudiantes.

El Conceyu de Xixón concedió una última prórroga de trés meses a la empresa Rya Residencias S.L pa la construcción de la residencia d’estudiantes. Tres la presentación de la documentación riquida, que certifica’l cumplimientu de los plazos d’execución de la obra establecíos nel contratu, l’axudicataria llogró una «última prórroga» de trés meses. Conforme a lo establecío por llei, la empresa ta obligada a empezar les obres nesti tiempu.

Dientro de la documentación presentada, apúrrese un certificáu que, suscritu pol director d’execución d’obra, garantiza que la construcción va tar llista pa la so esplotación el 3 d’ochobre de 2020. El nuevu cronograma d’obra amenorga’l plazu d’execución de 18 a 12 meses.

El conceyal d’Urbanismu, José Luis Fernández, confirmó que «ésta ye la última prórroga que se concede a la empresa, mientres la cual ta obligada a empezar les obres. Nun va haber más prórrogues”, concluyó.