A partir del próximu llunes la circulación de vehículos pela cai Sierra del Sueve va vese afectada nel tramu entendíu ente les cais Torre Bermeja y Dolores Ibárruri. Nesi puntu, la circulación va tar abierta en sentíu descendente pela cai Sierra del Sueve, esviando per Torre Bermeja y Monsacro a los vehículos que transiten en sentíu ascendente.
Tán executándose les obres necesaries pa llevar a cabu la urbanización d’esa zona de Nuevu Xixón y dotala de servicios públicos. Amás, tán realizándose los trabayos pa configurar un nuevu sistema viariu con un nuevu vial que va enllargar l’alliniación de la cai Sierra del Sueve, qu’anguaño se pierde ente les cais Torre Bermeja y Dolores Ibárruri, y otru qu’estienda l’actual calle Torre Bermeja hasta entroncar cola cai Barreiros y el Camino de las Maravillas. Arriendes d’ello, tamién se van executar los víes pal tránsitu piatonal y zones estanciales.
