El pasáu sábadu 12 de xunetu, el Parque de los Hermanos Castro volvió enllenase col esperáu conciertu de Robe Iniesta. Dientro del ciclu de conciertos del Xixón Life, patrocináu por VibraMahou, Robe deleitó a los sos siguidores con un espectáculu que duró trés hores y repasó tanto la so carrera en solitariu como los ésitos de la so llexendaria banda.
La nueche empezó con Destrozares, siguíu de Adiós, cielo azul, llegó la tormenta, empecipiando un percorríu musical polos sos cantares en solitariu. La estructura del conciertu, estremáu en dos partes con una curtia posa entemedia, dexó a Robe y la so banda esplegar el so ampliu repertoriu. Dende’l so más recién discu, Se nos lleva el aire, destacaron temes como El hombre pajaro y Nada que perder.
Amás de les sos nueves creaciones, Robe nun defraudó a los señardosos d’Extremoduro. Clásicos como So payaso, Salir y Ama, ama, ama y ensancha el alma fixeron cimblar a los asistentes mientres el conciertu. Unu de los momentos más inesperaos de la nueche foi cuando Robe se dirixó al públicu n’asturianu, diciendo ¿Esto qué ye?, lo que provocó una ovación ente’l públicu.
El conciertu de Robe, que forma parte de la so xira Ni santos ni inocentes, foi unu de los más esperaos dientro de la programación del Xixón Life que rematen el próximu 3 d’agostu con E.
