Rodrigo Cuevas escosa les entraes de los dos conciertos d’Avilés y anuncia una tercer fecha

Tres dos llenos en conciertos en cuestión de minutos, Rodrigo Cueves llanza un tercer pase de “La Romería” nel Centru Niemeyer. Va ser el xueves 7 de marzu de 2024 a les 20:00 h. nel Auditoriu del espaciu cultural avilesín. Les entraes pa esta nueva cita van tar a la vienta a partir de la mañana, vienres 17 de payares, a les 11:00 h. de la mañana, con descuentos aplicables pa socios del Club Cultura y suscriptores del boletín dixital del Centru Niemeyer.

Mesmo que lo asocedío ayeri, güei la escena volvió repitise, y les entraes pal so
segundu conciertu escosáronse en cuestión de minutos. Con files de xente énte les taquilles dende primer hora de la mañana y coles virtuales na plataforma de vienta online,
apenes hubo marxe ente’l llanzamientu y el momentu de colgar el cartelu d’entraes escoses”. Queden namás disponibles entraes pa PMR (Persones de Movilidá Amenorgada) y acompañantes.

Les entraes d’esti tercer pase de “La Romería” pal xueves 7 de marzu a les 20:00 van tar disponibles dende mañana, vienres 17 de payares de 2023, a les 11:00 de la mañana al preciu xeneral de 24 € y pueden adquirise na taquilla y páxina web del Centru Niemeyer y les recepciones de Llaboral Ciudá de la Cultura (Xixón) y CITPA (Uviéu).