La Conseyería de Salú activó’l nivel d’alerta 3 (riesgu máximo) del Plan Nacional d’Actuaciones Preventives de los Efectos de los Escesos de Temperatura sobro la Salú 2023, énte les previsiones de l’Axencia Estatal de Meteoroloxía (Aemet), qu’agora que nos próximos díes van superase los 30 graos na comunidá.
Énte estes estimaciones, les autoridaes sanitaries encamienten a la ciudadanía protexese de les radiaciones solares, hidratarse y evitar el consumu de bébores alcohóliques. Amás, aconseyen especial curiáu a la población más vulnerable al calor: les persones mayores (de más de 80 años o que vivan soles o tean enfermes), neños y neñes, y quien carecen enfermedaes cróniques o trabayen al campu.
Igualmente, recuerden la necesidá de caltener en fríu los alimentos, yá que col calor aumenta’l riesgu d’infecciones alimentarias.
La Dirección Xeneral de Salú Pública unvió a los centros sanitarios, la Conseyería de Derechos Sociales y Bienestar y la Federación Asturies de Conceyos (FACC) documentación con encamientos pa la situación d’altes temperatures, qu’inclúi los siguientes encamientos:
- Beber agua y líquidos con frecuencia, anque nun se sienta sede y con independencia de l’actividá física que se realice.
- Evitar les bébores con cafeína, alcohol o bien azucaraes, yá que pueden favorecer la deshidratación.
- Emprestar especial atención a bebés y menores, lactantes y muyeres xestantes, amás d’a persones mayores o con enfermedaes que puedan agravase col calor (patoloxíes cardiaques, renales, diabetes, hipertensión, obesidá, cáncer, enfermedaes qu’enzanquen la movilidá, llocura y otres patoloxíes mentales y a quien abusen de les drogues o l’alcohol).
- Permanecer el mayor tiempu posible en llugares frescos, a la solombra o climatizaos, y enfrescase cada vez que seya necesariu.
- Amenorgar l’actividá física y evitar deportes al campu nes hores centrales del día.
- Usar ropa llixero, folgoso y que dexe transpirar.
- Nun dexar a nenguna persona dientro d’un vehículu aparcáu y zarráu (especialmente a persones menores d’edá, mayores o con enfermedaes cróniques).
- Consultar al personal sanitariu énte síntomes que s’enllarguen más d’una hora y que puedan tar rellacionaos coles altes temperatures.
- Caltener les medicines nun llugar frescu; el calor puede alteriar la so composición y los sos efectos.
- Facer comíes llixeres qu’ayuden a reponer los sales perdíos pol sudu (ensalaes, frutes, verduras, zusmios, etc.)
