La Conseyería de Salú concedió 110.000 euros a los programes municipales destinaos a la protección de consumidores y usuarios. Estes subvenciones, que s’otorguen en réxime de concurrencia competitiva, van llegar a 14 conceyos y dos mancomunidaes pa sofitar acciones empobinaes a asesorar ya informar a el consumidores sobre los sos derechos, pa que puedan exercelos de manera crítica y responsable.
Con estes ayudes tamién se promueven les campañes de promoción y prevención, la edición de folletos, la formación y la tramitación de denuncies y espedientes sancionadores y actuaciones d’inspección en materia de control de seguridá de los productos y servicios y rede d’alertes.
L’área de consumu de la Conseyería de Salú, incluyida na Axencia de Seguridá Alimentaria, Sanidá Ambiental y Consumu, modificó na tramitación de les subvenciones d’anguaño aspeutos relativos a los criterios de valoración col fin de reflexar, de manera más oxetiva, l’actividá de les oficines municipales d’información al consumidor.
