El Serviciu de Salú d’Asturies (Sespa) empezó a enllantar el sistema de cites Pase y espere nos centros d’atención primaria de la área sanitaria I, que se correspuende col noroccidente de la comunidá. Los centros de salú de Navia y L.luarca, mesmo qu’el centru de salú mental de la capital valdesana, incorporaron yá esta ferramienta tecnolóxica, que dexa afaer l’asistencia a les necesidaes reales del día ente día.
Tres los bones resultaos llograos nos hospitales, el Sespa afixo esti sistema a les particularidaes de la rede d’atención primaria, coles mires d’ameyorar la xestión de les axendes y el serviciu en beneficiu de pacientes y profesionales. Esti métodu de llamada busca afaer el serviciu a la demanda real de cada xornada. Asina, per aciu l’asignación dinámica de les veces de consulta ameyora l’accesibilidá, encúrtiase la espera, garantízase la privacidá y apúrrese flexibilidá na xestión.
