La Conseyería de Salú va centrar a partir del llunes la vixilancia del coronavirus n’ámbitos y grupos vulnerables. En concretu, va empobinar a les persones mayores de 60 años, inmunodeprimidas y muyeres embarazaes, según a aquellos casos graves.
La directora xeneral de Salú Pública, Lidia Clara Rodríguez, y el xefe de Vixilancia Epidemiolóxica, Mario Margolles, informaron güei, en rueda de prensa, de la nueva estratexa diagnóstica y de control de casos covid tres la fase aguda de la pandemia, aprobada’l martes na Comisión de Salú Pública del Ministeriu de Sanidá.
D’esta miente, l’alta cobertoria vacunal y l’inmunidá xenerada a partir de los contaxos naturales dexa l’actualización mientres esta fase de transición de la Estratexa de Vixilancia y Control frente a Covid-19 tres la fase aguda de la pandemia. L’aplicación d’esta fase de transición va caltenese mientres el indicadores d’usu de servicios asistenciales vayan atopase en nivel de riesgu baxo.
La nueva estratexa refuerza la capacidá de detección de variantes d’interés y d’esmolición y sienta les bases de la futura vixilancia de les infecciones respiratories agudes, lo que favorez la normalización de l’asistencia sanitaria tres la fase aguda del andanciu embriviendo los riesgos. Coles mesmes, va dexar xixilar los cambeos de patrones epidemiolóxicos de la enfermedá según l’apaición de nueves variantes que contribuyan a tomar midíes de forma precoz.
