Servicios Sociales entama a tramitar l’ayuda estraordinaria a neños con beca comedor

L'ayuda de 120 euros va llegar a un total de 2.715 neños

0
642

La Fundación Municipal de Servicios Sociales va empezar a tramitar de l’ayuda estraordinaria de 120 euros que van recibir tolos neños con beca comedor. Esta aportación quier ayudar les families a faer frente a los gastos d’alimentación de los menores mientres dure l’estáu d’alarma. La comunicación va realizase al traviés d’un mensaxe al teléfonu móvil. N’él, comunicaráse la concesión d’esta ayuda y apurriráse l’enllaz a un formulariu a rellenar colos datos de la persona que solicitó la beca. El personal de la Fundación de Servicios Sociales va llamar a aquelles families que nun tengan teléfonu móvil.

La conceyala de Bientar Social y Derechos, Natalia González, esplicó que foi necesariu articular un procedimientu nuevu pal pagu d’estes ayudes. Hasta agora, la Fundación de Servicios Sociales abonaba directamente’l costu del comedor a la empresa qu’empresta esti serviciu, polo que nun se cuntaba colos datos bancarios de les families. «Tuvimos d’articular un procedimientu que combinara l’axilidá nel pagu, cola seguridá y la protección de datos de les families». El pagu fadrá efectivu una vegada recibíos los formularios rellenaos colos datos solicitaos.