La coalición d’Izquierda Xunida, Más País y Izquierda Asturiana – Convocatoria por Xixón – presentó esti domingu a la so candidatura completa pa les próximes elecciones municipales nun actu celebráu na Ciudadela de Celestino Solar. El candidatu d’IX – Más País – IAS a l’alcaldía, Javier Suárez Llana, destacó l’entusiasmu, l’ambición y la valentía de les 26 persones que, xunto a él, integren una candidatura anovada coles mires de construyir una ciudá más habitable, xusta y ensin mieu a reinventase, señaló.
“Tenemos un equipu y un programa para camudar esta ciudá. Pa que nada se pare. Pa nun volver al Xixón deteníu nel tiempu que conocimos mientres los gobiernos de la derecha que lideró Carmen Moriyón. Somos la única garantía por que Xixón siga avanzando. Pa siguir mirando al futuru con ambición”, destacó’l candidatu a l’alcaldía mientres el discursu de presentación de la candidatura.
Dientro del programa electoral de la so candidatura, Suárez Llana destacó la cohesión social ente los barrios, l’enfoque a la sostenibilidá, l’impulsu a la cultura y l’asturianu, la prioridá na salú y la educación, el tresformamientu dixital ya inclusiva de la economía local pa los y les trabayadores, la vivienda accesible, los servicios públicos cercanos a la ciudadanía y les polítiques sociales centraes nel cuidu y la construcción de comunidá.
“Tamos preparaos pa recibir tol votu de la izquierda’l próximu de mayu”, espresó Suárez
Llana, “somos una nueva xeneración dando un pasu alantre p’abrir un nuevu tiempu na nuesa ciudá”. Na presentación intervieno Noelia Ordieres, candidata independiente y númberu dos de la llista; Alejandro Farpón, candidatu d’IX y númberu trés; Carolina Hevia Getino, candidata por Más País y númberu cuatro; la candidata independiente Marta Mori, na posición de la llista y Ernesto Suárez Saez, candidatu de IAS y númberu 7.
