El Sistema Nacional de Protección civil va realizar güei llunes, 24 d’ochobre, en distintes árees del país, pruebes d’unviada d’alertes d’emerxencia del sistema d’avisos a la población, tamién conocíu como “ES-Alert o 112-inversu”. Esta ferramienta dexa la unviada xeneralizada ya inmediatu d’alertes a persones d’una zona afectada por una emerxencia o catástrofe al traviés de notificaciones emerxentes a aquellos teléfonos móviles que s’atopen conectaos a les redes de telefonía dientro d’un área determinada.
N’Asturies, la prueba va tener llugar a les 13.00 hores y va llindase a los conceyos d’Avilés y Corvera. Los usuarios de smartphones conectaos a les antenes de telefonía móvil asitiaes nestos conceyos van recibir una notificación d’alerta nos sos dispositivos. Va visualizar de forma similar a un mensaxe de testu, ocupando tola pantalla y va venir acompañada por un pitíu y una vibración d’unos segundos.
El mensaxe que se va unviar mientres 15 minutos va ser el siguiente:
PRUEBA PRUEBA PRUEBA PRUEBA PRUEBA
PRUEBA DE ACTIVACION D’ALERTES MASIVES DENDE EL 112 ASTURIES
Nun respuenda a esti mensaxe. Nun llame al 112. Ye un avisu de prueba. Gracies pola so collaboración.
Una vegada lleíu’l mensaxe pulsie «Aceptar» pa esanicialo de la pantalla.
PRUEBA PRUEBA PRUEBA PRUEBA PRUEBA
Esti métodu ta pensáu pa informar y sollertar a la población que pudiera vese afectada en casu de grandes emerxencies, catástrofes o accidentes industriales. Nos casos reales va incluyir, con calter xeneral, información sobre’l riesgu que provocó l’alerta, les sos consecuencies reparaes o previsibles y, nel so casu, les acciones a tomar poles persones que reciben l’alerta.
Daes les característiques d’estes emerxencies pa les que se van emitir les alertes, el pitíu y la vibración van producise inclusive anque’l teléfonu tea calláu, bloquiáu o en manera “Nun molestar”. Amás, el mensaxe d’alerta va permanecer en pantalla hasta que, como reconocencia de l’alerta, púlsiese’l botón de “Aceptar”.
La Dirección Xeneral de Protección Civil del Ministeriu del Interior va llevar a cabu pruebes pilotu en toles comunidaes autónomes. Amás d’en Asturies, mañana llunes tamién se van realizar pruebes en Cantabria y Andalucía. Les unviaes d’alertes llévense a cabu dende’l Centru Nacional de Siguimientu y Coordinación d’Emerxencies (CENEM) de la Dirección Xeneral de Protección Civil y Emerxencies d’alcuerdu a lo dispuestu na Directiva Europea 1972/2018 sobre’l Códigu Européu de Comunicaciones Electróniques.
