El grupu de punk rock que ta de moda, The Baboon Show, llega esta fin de selmana a Xixón. Concretamente a la Sala Acapulco, escenariu nel que va asoceder esti sábadu 7 d’ochobre l’espectáculu que Cecilia, Frida, Simon y Niclas van ufrir al públicu asturianu.
La banda sueca, que s’alcuentra somorguiada nel God Bless You All Tour, xira que comparte nome col discu y que supón yá’l so décimu trabayu d’estudiu. Una xira pel estáu español que suma nueve feches y que, precisamente, ye en Xixón onde empecipia.
“God Bless You All” xira alredor de la protesta escontra’l sistema social imperante, escontra les autoridaes vixentes y escontra les inxusticies, seya como quier la so forma, al traviés de doce cantares producíos por The Baboon Show y Johan Gustafsson, baxista de The Hives.
Xunto a los suecos, la banda catalana Crim va dar los primeros acordes del show. El grupu de Tarragona va amosar la so fuercia al traviés de los sos cantares enllenos de punk rock y rabia.
Les entraes pal conciertu d’esti sábadu en Xixón pueden mercase equí.
