Toundra presenta en Xixón la banda sonora que crearon pa la película más emblemática del espresionismu alemán: El gabinete del doctor Caligari de Robert Wiene. Esti espectáculu, que forma parte del ciclu BS(O) en vivu de Llaboral Cinemateca, va celebrase’l vienres 5 de payares, a les 21:00 hores, nel Teatru de la Llaboral.
El cuartetu de post rock instrumental Toundra abre un capítulu aparte na so discografía habitual pa presentar en directu la banda sonora creada pa El gabinete del doctor Caligari, una de las obras clave de la hestoria del cine qu’en 2020 cumplió 100 años. Tres l’aspectu de un suañu ablucante, conocemos al inquietante doctor Caligari, que llega a la feria d’un pueblu con una atracción muy particular: el sonámbulu Cesare, qu’aldovina’l futuru. Cuando una serie de misteriosos asesinatos principien a asoceder na población, l’empeñu d’un home va a conduci-y tres la pista de Caligari, que nun ye quien paez ser.
Dende la so apaición en 2007, Toundra convirtióse nuna de les bandes más importantes del rock instrumental européu gracies a la so música cargada de poderosos riffs, perguapes melodíes ya intrincaess atmósferes, y a sus potentes directos. Vortex ye’l títulu del so últimu discu, asoleyáu en 2018, col que xiraron per varios países, colgando’l cartel de entraes esgotaes en ciudades como Madrid, Londres, Berlín o París. Yá anunciaron nuevu LP pal entamu de 2022.
