Los dos vegaes finalistes del concursu de música asturiana Festiamas estrenen el segundu videoclip del so primera EP “Chispes y Cenices” dirixíu por Anel Reyes. “No te dejes nada sin quemar” ye un tema rock que nos fala de como de físico puede llegar a sentise’l dolor d’una rotura, este tema y el restu del EP grabóse nel estudiu qu’apurren los locales municipales de Roces “René de Coupaud” y entemecíu y masterizáu por Paco Loco y Mario G. Alberni, respectivamente.
El cantar forma parte del EP publicáu a finales de Setiembre, un amiestu d’estilos bastante interesante, dende’l rock duru como ye’l casu d’esti nuevu videoclip, a temes más “poperos” pasando pol “indie” y un pocu d’acústicu. Triple Malta, formáu en 2018, lleva yá dos finales de los premios de la música asturiana Festiamas a los sos llombos y cinco años d’esperiencia nos escenarios. Col llanzamientu d’esti videoclip, planteguen un 2024 llenu de conteníu, dende la publicación d’un próximu single en primavera tres ganar los premios COMA 2023 como más conciertos a lo llargo d’añu p’ampliar les sos fronteres y que la so música llegue a la mayor xente posible.
