Del 13 al 22 de marzu, Xixón va acoyer una nueva edición de POEX, el Festival de Poesía de Xixón, consolidándose como un referente cultural nel panorama nacional. Esti añu, la poesía vencéyase de manera especial col cine, esplorando la relación ente dambes disciplines y la so capacidá pa xenerar nueves formes d’espresión artística.
Dende la so creación en 2020, POEX apostó por una visión innovadora de la poesía, ampliando les sos fronteres más allá del llinguaxe verbal y averándola al públicu al traviés de la música, el cine, la fotografía, el diseñu, les artes plástiques y el teatru. Esta sesta edición caltien esa esencia, ufiertando un programa plural y contemporaneu que reivindica lo poético en múltiples rexistros.
Unu de los exes centrales de POEX 2025 va ser el cine como forma de resistencia a la inmediatez y el ritmu vertixinosu de la sociedá actual. Nun mundu apoderáu pola urxencia, la hiperconectividad y la sobreexposición en redes sociales, el festival propón xuna posa, xuna invitación a contemplar el tiempu dende otra perspectiva.
La programación va incluyir proyecciones cinematográfiques en collaboración col Festival Internacional de Cine de Xixón (FICX), amás de conciertos, talleres, esposiciones y el concursu de videopoemas. Coles mesmes, POEX estrecha llazos con diverses entidaes y espacios culturales de la ciudá, como la ESAD, Llaboral Centru d’Arte y Creación Industrial, la Sociedá Filarmónica de Xixón, el Toma 3, la Rede de Biblioteques Municipales y los centros educativos de Primaria y Secundaria, reforzando’l so compromisu cola comunidá y l’espardimientu de la poesía en toles sos formes.
Con una propuesta que combina tradición y vanguardia, POEX 2025 convida a la ciudadanía a redescubrir la poesía dende una mirada abierta, sensorial y multidisciplinar. Darréu, amuésase’l programa completu:
