La selmana Alternativa de Movilidá Sostenible, MOVILÍZATE, remata con una gran bicifestación poles cais de Xixón, a pesar de la predicción meteorolóxica, cuntó con 120 participantes de toles edaes y capacidaes. Despídese asina una selmana con más d’una docena de propuestes abiertes a la participación ciudadana relatives a la movilidá sostenible.
Alderiques, talleres, cortes de cais pa la ireciella y adultos, rutes con cinta métrica, paseos con siella de ruedes ya inclusive una curiosa fiesta de piyames abrieron l’alderique de la movilidá en Xixón a la ciudadanía.
A lo último, la Selmana Alternativa de Movilidá Sostenible ye una de les munches pruebes que reafiten que la ciudadanía tien ganes de participar nun cambéu de modelu escontra una ciudá más humana y sostenible. «Esti cambéu nun ye un caprichu d’unes cuantes persones, ye una necesidá de salú, seguridá y accesibilidá universal. Pa les persones qu’habiten la ciudá, pa la nuesa comunidá y pal planeta», aseguren.
«Si diverses organizaciones con modestu presupuestu pueden convocar a mamplén de persones en diverses actividaes, les entidaes convocantes creen que dende les instituciones podría faese bien de más, y ye la so responsabilidá fomentar l’alderique y les midíes necesaries por que la ciudá avance, escontra un cambéu tan necesariu como urxente». Esperen, amás, que’l próximu añu haya una Selmana Europea de la Movilidá auténtica, con compromisu de sensibilización y participación ciudadana.
