Una semeya d’Armando Palacio Valdés, última incorporación del Pueblu d’Asturies

La donación fízola un mecenes que quier permanecer nel anonimatu

0
986

La iconoteca del Muséu del Pueblu d’Asturies acaba d’ingresar una semeya fotográfica del escritor Armando Palacio Valdés (Entrialgo, Llaviana, 1853- Madrid, 1938). La donación fízola un mecenes que quier permanecer nel anonimatu y procede d’una llibrería de vieyu de Madrid. Probablemente, foi realizáu por cuenta de la so candidatura al Premiu Nobel de Lliteratura presentada ese mesmu añu y un añu dempués.

Palacio Valdés apaez sentáu nel so escritoriu mirando directamente al oxetivu de la cámara. Aparenta alredor de 75 años y na so cara reflexa’l pasu del tiempu, la cercana perda del so fíu únicu en 1922 y otros graves contratiempos. Trátase d’una fotografía de 16 x 22 cm sobro un cartón (28 x 35 cm) nel que figura’l nome del autor, ‘Pío Fotógrafu’, y una dedicatoria fecha de puñu y lletra pol mesmu Palaciu Valdés: «Al mio queríu amigo y compañero Alberto de Segovia. Alcordanza candial. A. Palacio Valdés».

‘Pío Fotógrafu’ o ‘Foto Pío’ yera un profesional madrilanu que trabayaba como retratista y como reporteru de prensa. El so estudiu taba allugáu na cai Cruz númberu 19. Dende la primer década del sieglu XX, anunciábase como especialista en “ampliaciones y retoques fotográficos», y en «postales d’actualidá».