Dellos clientes fueron yá víctimes d’una estafa al traviés de mensaxes provenientes, aparentemente del bancu Unicaja. Según les sos declaraciones: “Too esto empezó tres una caótica fusión de Unicaja y Liberbank,xuntu al restu d’entidaes del grupu. Apps fallando, tarxetes ensin serviciu, atención telefónica inoperativa,…
Y en tou esti caos, los ciberestafadores atoparon la manera de colase na seguridá del bancu y dende les sos canales oficiales captar víctimes per media España.” Los clientes fueron y tán siendo estafaos por delincuentes que suplanten la identidá d’Unicaja, unviando dende les sos canales oficiales de comunicación col veceru (teléfonu, sms) , llamaes o mensaxes fraudulentes.
El resultáu ye families estrozaes, ensin aforros o ensin efectivu col qu’encarar hipoteques , recibos ,etc. “Pasamos nueches de velea,díes de rabia y papeleos interminables, y una llarga espera. Nel grupu hai víctimes de toles edaes, hai estudiantes, paraos, autónomos, asalariaos o xubilaos. Somos xente que’l so únicu delitu foi confiar nel bancu para protexer los sos aforros o para pagar los sos recibos, hipoteques,etc.”
Los afectados insisten en que “Nun dicimos qu’Unicaja seya culpable, faltaría más, culpables son los que delinquen.
Pero nun puede carganos a nós cola responsabilidá, pos pola forma de recibir los sms o llamaes fraudulentas, les sos canales oficiales de comunicación, y pola cantidá de xente engañao nunos díes, vese que’l fallu de seguridá foi de la entidá bancaria y non de los sos clientes. Por ello reclamamos públicamente que les nueses cuentes vuelvan al so estáu anterior a los esfalcos , que se nos devuelva cada euru sustrayíu a cada veceru ,y que nun se retrasen más nel resarcimientu del dañu causáu por terceros nel so nome ,pos nós nun tenemos culpa nenguna de los fallos en seguridá que la fusión de Unicaja y Liberbank pudiera provocar.”
