Siloé vuelve a los escenarios cola enerxía que los caracteriza pa embarcase na Xira Vibra Mahou 2025, una celebración de la música en directu que va percorrer dalgunes de les sales más emblemátiques del país. De la mano de la plataforma de música de Mahou Cinco Estrellas, que conecta a artistes y públicu alredor de la música en vivu, los vallisoletanos anuncien les primeres feches d’esti tour.
Ente les cinco primeres ciudaes confirmaes hasta agora -dalgunes tán entá por desvelase- atópase Uviéu. La banda, con más d’ocho años de percorríu musical a los sos llombos, va actuar na Sala Estilo’l próximu vienres 24 d’ochobre, a onde va llevar el so vibrante directu. El grupu, formáu pol vocalista Fito Robles, el guitarrista Xavi Road y la batería Jaco Betanzos, consiguió consolidase como un referente na escena indie pop española, y la so popularidá sigue en crecedera acaldía.
Siloé cuenta yá con cuatro álbumes na so discografía, ente los que destaca’l so más recién trabayu Santa Trinidad (2023), que los fans van poder esfrutar en directu mientres la nueva Xira Vibra Mahou. Cantares como “Todos Los Besos” y “Que Merezca La Pena”, cargaes d’emoción y fuerza, convirtiéronse yá n’auténticos himnos pal so públicu, que los coriará a tou pulmón nes distintes paraes de la so xira.
La Xira Vibra Mahou de Siloé va empezar en septiembre y va cuntar con delles paraes que se van estender hasta’l mes de payares. Los primeros conciertos confirmaos van ser, amás de n’Uviéu, en Madrid, Vitoria, Llugo y Guadalaxara, onde los fans van poder coriar los sos temes favoritos y esfrutar de la verdadera esencia del directu.
El pasáu mes de payares, los vizcainos Shinova cerraben la so Xira Vibra Mahou tres roblala con un sold out pa caúna de les 18 paraes que la compunxeron y la banda de Valladolid toma’l testigu d’este icónicu tour pa percorrer el país de la mano de Vibra Mahou. Incorpórense asina a la hestoria de la Xira Vibra Mahou, tou un clásicu yá pa Mahou, y que tuvo como protagonista a artistes de primera llinia como Leiva, MClan, Iván Ferreiro, Sidecars, Miss Caffeina, Arde Bogotá, Carolina Durante, Dani Fernández o Zahara.
Amás, el pasáu añu y per primer vegada na hestoria, la plataforma impulsó hasta trés xires per tol territoriu nacional, un modelu que se repite en 2025, onde la plataforma anunció yá que, amás d’a Siloé, tamién va acompañar a la banda cántabra Repion peles sales españoles.
Vibra Mahou reafita d’esta manera’l so compromisu col directu y sigue conectando artistes y públicu, sofitando cientos d’esperiencies rellacionaes cola música. Esta plataforma toma dende’l patrociniu de grandes festivales como Mad Cool, Low, Xardín de les Delicies o Sonorama, el sofitu a les xires nacionales d’artistes de distintes corrientes musicales, l’impulsu al talentu emerxente o conciertos nel circuitu habitual de sales de distintes ciudaes d’España.
