La hestoria de ‘Los viaxes de Gulliver‘ yá puede vese online na plataforma Vimeo. Producida polos Estudios Paramount foi la primera del xéneru que nun taba venceyada a los Estudios Disney. Dirixóla Dave Fleischer y tuvo como productor al guo hermanu Max Fleischer, dos pioneros del cine de dibuxos animaos.
Los guionistes Dan Gordon, Cal Howard, Tedd Pierce, Edmond Seward yá Izzy Sparber, encargáronse de facer esta adautación parcial de la novela clásica homónima del irlandés Jonathan Swift. Nel so pasu a la pantalla grande la hestoria céntrase na aventura de Gulliver na tierra de Lilliput, un país habitáu polos liliputienses, unos seres que miden una doceava parte menos que los humanos. Pa ellos Gulliver ye un xigante al qu’ensobien dempués d’atopalu inconscinente. Cuando recupera’l conocimientu y llogra desamarráse acaba mediando mientres una guerra qu’enfrenta a dos reinos del llugar. Amás d’ello, el Príncipe David, perteneciente a ún d’estos reinos, namórase de la Princesa Gloria, fía del rival del so padre.
Dobláu al asturianu en 2010 editóse al añu siguiente nun DVD. Illán Gonzali dirixó y produció’l versionáu, siendo ‘Los viaxes de Gulliver’ el llargumetraxe d’animación que primero se dobló al asturianu. El doblaxe estrenóse’l 23 d’avientu de 2010 nel centru municipal de L’Arena.
