Ximiélgalo Radio Show entama’l III Alcuentru Reggae Radio Xixón, un alcuentru onde la música reggae y los programes de radio alredor d’ella van ser los protagonistes. Hasta cuatro programes dedicaes a esti xéneru van dase cita esti sábadu: Laia Selectora, Reggae Fever Irratsaioa, Time To Roots y Ximiélgalo Radio Show. D’una banda, va haber un radiu alcuentru dende les 16:00 hores en Les Cigarreres, mientres que magar de les 00:00 va entamar la pinchada al cargu de los presentadores de los programes xunto colos cantantes Irie Nanara y Fred Warrior.
El día anterior va calentase motores na prefolixa que va haber nel Fiera Bar magar de les 19:00 hores, cola pinchada de Perfidia Records y Twin Blood.
