Xixón prepárase pa recibir la cuarta edición de TSUDOCU XIXÓN, un festival entamáu por Tsunami Xixón que promete combinar lo meyor del cine, la lliteratura y la música nuna sola fin de selmana. L’eventu va tener llugar del 24 al 26 de xineru en distintos espacios de la ciudá, ufiertando una programación pensada pa los amantes de la cultura y l’arte.
El festival va abrir les sos puertes el vienres 24 de xineru a les 19:00 hores nel Paraninfu de la Llaboral cola proyección del documental «Kase O. Dentro de El Círculo», una obra qu’afonda na trayectoria del icónicu raperu español. Una cita imperdible pa los y les siguidores de la música urbana y con interés nes hestories humanes detrás de los grandes artistes.
El sábadu 25 de xineru va empezar con un alcuentru lliterariu en Toma 3 Xixón a les 13:00 hores, onde l’escritor Javier Jerry Corral va presentar el so llibru «Fiesta y rebeldía. Historia oral del rock radical vasco». Una obra que recueye testimonios y anécdotes d’una de les escenes más influyentes del panorama musical n’España. Construyida a partir de 71 entrevistes inédites con figures clave como Evaristo Páramo, Fermin Muguruza y Aurora Beltrán, ufierta un percorríu fondu pola nacencia, puxanza y legáu del Rock Radical Vascu.
Ese mesmu día, a les 19:00 hores nel paraninfu de la llaboral, los asistentes van poder esfrutar de la proyección de «La mugre y la miseria», un documental empobináu por Julien Temple que narra la hestoria de los Sex Pistols, la icónica banda británica que revolucionó la música punk nos años 70 y que va actuar anguaño nel Festival Tsunami Xixón. La película non solo afronta la trayectoria musical de la banda, sinón tamién el contestu sociopolíticu nel que surdió, amosando cómo la so actitú irreverente y el so soníu crudu impactaron a una xeneración entera y convirtiéronse nun símbolu de rebeldía y contracultura. Al traviés d’imaxes d’archivu, entevistes y una narrativa única, Temple ufierta una semeya visceral y engañador del movimientu punk y el so legáu perdurable.
El festival despidiráse el domingu 26 de xineru a les 19:00 hores nel Paraninfu de la Llaboral con «Xeneración Xixón Sound», dirixíu por Aure Roces. Esti documental esplora la esplosión cultural que vivió Xixón cuando un grupu de mozos músicos decidieron romper colos moldes establecíos, dando llugar a una escena musical que rápido se convirtió nun movimientu cultural. La obra non solo recuerda a les bandes que definieron una dómina, sinón que tamién reflexona sobre l’impactu qu’esti fenómenu tuvo na identidá cultural de la ciudá.
La entrada a les actividaes ye gratuita hasta completar aforu, promoviendo asina xuna cultura accesible para toles persones. El festival brinda asina al públicu d’una perspectiva enriquecedora sobre corrientes artístiques que marcaron la nuesa hestoria.
