La primavera aportó va un mes y con ella lleguen a Asturies la temporada de festivales. Unu de los primeros que se celebra ye, amás, uno de los más potentes del panorama músical n’Asturies, que ye’l Vibra Mahou Fest. En 2023, l’eventu cumple la so segunda edición dempués del ésitu del añu pasáu con grupos como Delafé, Ginebras o Arde Bogotá.
Agora, el festival vuelve a la carga mientres esta fin de selmana na mesma localización nunes xornaes nes que la plataforma de música de Mahou Cinco Estrellas promueve los alcuentros al rodiu del directu. Vuelve, amás, con delles novedaes.
El vienres 21, les Fiestes «Vibra Mahou Fest” van dar la bienvenida, per primer vegada, al festival coles sesiones DJ d’Edu Romero y Second en dos sales de la ciudá (Toma 3 y Dilema Indie Club, respectivamente), una propuesta d’accesu gratuitu y hasta completar aforu.
Al otru día, el sábadu 22, va dar empiezu nel Recintu Ferial d’Asturies Luis Adaro la segunda edición d’esti festival indoor, que va ufiertar una xornada de más de dolce hores de música ininterrumpida, combinando l’actuación de delles de les bandes más relevantes de la escena pop-rock actual -Viva Suecia, Second, Carlangas, Shinova, Carmen 113, Karavana y Sexy Zebras- coles sesiones de reconocíos DJs d’Asturies.
Amás, va haber una Zona Gastro onde los asistentes van poder reponer fuerces mientres tol día y que va ufiertar propuestes para tolos gustos. Con esti festival, Cimbla Mahou vuelve demostrar el so compromisu cola música n’Asturies, a onde tamién avera xires nacionales d’artistes de distintes corrientes musicales, sofita a festivales y celebra iniciatives propies que fomenten la cultura y l’ociu calidable.
Tolos horarios puedes comprobalos equí:
