L´Asociación Vecinal de Perchera, la Braña y Nuevu Xixón llanza un comunicáu nel que convoca una mesa redonda p´afondar nel debate sobre la vivienda, analizar cómo afecta al barriu y a la ciudá y plantegar llinies d´acción acordies a les cuestiones trataes.
El 12 de xunu a les 19:00 convidamos dende l’Asociación Vecinal de Perchera, la Braña y Nuevu Xixón a participar na mesa redonda «Derechos que constrúin barriu y ciudá» nel nuesu local de la cai Peña Santa Santa de Enol nº 4 baxu.
Esta actividá queremos qu’abra la reflexón necesaria sobre delles de les cuestiones que más nos afecten a la nuesa zona na actualidá y nun futuru próximu.
Van Introducir cada tema: Pilar Lobo de la PAH (Plataforma de Afecadxs pola Hipoteca) d’Uviéu, David Alonso, Xeógrafu ya investigador y Pablo González, médicu d’atención primaria. Dempués vamos abrir un diálogu sobre como afecten estes realidaes nel nuesu barriu y qué podemos faer.
