Xixón al Día va asoleyar dende’l prósimu vienres, 26 de payares, una nueva sección d’opinión nel que l’historiador y escritor Raúl Alonso va aldericar sobre too tipo de temes d’actualidá venceyaos con Asturies. Esti espaciu, de publicación selmanal, lleva por nome “El requexu de pensar” y tien como oxetivu facer reflexonar a los llectores d’esti diariu.
Raúl Alonso (Xixón, 1999) ye historiador pola Universidá d’Uviéu ya estudiante del máster de Comunicación na Universidá de Valladolid. Amás, tien nes sos llibreríes el so primer poemariu, Los Días vividos (Ed. Camelot, 2019), y collabora cola revista de lliteratura moza Formientu.
