Güei va quedar abiertu al tránsitu de ciclistes el nuevu trazáu del carril bici de la cai Mariano Pola al so pasu polos edificios ‘barcu’ de la Playa de Pando.
Cola cuenta de facilitar la circulación de ciclistes y peatones, enllantóse un tramu de carril
bici con unu anchor de 2,5 metros y una cera de formigón semipulío amiesta al
mesmu na zona de verde próxima a los vieyos xulgaos. Coles mesmes, rebaxóse la cera esistente para llevar a estaya la correcta transición ente’l carril bici de la cera y la calzada, cumpliendo colos criterios d’accesibilidá de la normativa vixente.
«D’esta miente, distribuyóse la circulación ciclista escontra los barrios de Moreda y El Natahoyo, ameyorando la conexón de la rede de carriles y ciclocarriles en dirección a los barrios de la zona oeste», espliquen dende’l Conceyu de Xixón. L’oxetivu ye precisamente buscar una alternativa que respete y pacifique la movilidá peatonal y ciclista na zona.
Esta actuación forma parte del proyectu de meyora del carril bici en Xixón urbanu axudicáu en Xunta de Gobiernu’l 22 de setiembre a Alvargonzález Contratas por un preciu de 199.995’76 euros y que tien un plazu d’execución de dos meses.
