Xixón participa nel congresu mundial de ciudaes sostenibles ya intelixentes de la ONU

Aurelio Martín presentó dos de los proyectos nos que trabaya la ciudá pa cumplir colos oxetivos de desenvolvimientu sostenibles de l'Axenda 2030

0
29

Xixón participa nel congresu mundial de ciudaes sostenibles ya intelixentes de la ONU que se celebra en Barcelona. Nesti foru s’enceta la creación de polítiques que respuendan a los oxetivos de desenvolvimientu sostenible. Nuna mesa redonda, el conceyal de Mediu Ambiente, Aurelio Martín, compartió proyectos sostenibles pa la xestión de ciudaes al pie de Bucarest, Viena y la localidá noruega de Aelesund. Nesti sentíu, Martín presentó’l nuevu modelu del allumáu públicu y de los equipamientos municipales y l’usu intensivu de les nueves tecnoloxíes p’ameyorar la eficiencia amenorgando emisiones.

El Conceyu demuestra, asina, el so firme compromisu d’incorporar l’Axenda 2030 pal Desenvolvimientu Sostenible de Naciones Xuníes nes sos polítiques públiques. ‘’Colos proyectos nos que se ta trabayando, reforzamos el papel de les polítiques públiques pa la consecución de los oxetivos de desenvolvimientu sostenible, liderando dende’l conceyu los procesos de collaboración públicu, privada y social’’ señaló Martín. Xixón tien otres 14 actuaciones a les que se van dir sumando más nos próximos años pa responder, dafechu, a los retos de l’Axenda 2030 y los Oxetivos de Desenvolvimientu Sostenible.