El Conceyu de Xixón peatonalizará la cai Cuadonga nel tramu que trescurre dende la cai San Bernardo hasta la plazuela San Miguel. Forma parte del corredor que tien como oxetivu conectar el paséu de Begoña col paséu d’El Muro y que va trescurrir al traviés de les cais Cuadonga, Ruiz Gómez y Caridá.
Los trabayos pa llevar a cabu esta iniciativa, consistentes nel allugamientu de señalización vertical, van realizase’l llunes pela nueche. D’esta miente, a partir del martes solo va permitise l’accesu a cocheres, taxis y servicios municipales. Hai que recordar que, en previsión d’esta peatonalización, amontóse en trés el númberu de zones de carga y descarga habilitaes na redolada.
