El próximu 23 d’avientu y hasta el 4 de xineru les árees de Festexos y Turismu del Conceyu de Xixón ponen en marcha una novedosa iniciativa: el “Navibús”: bus turísticu navidiegu. Dos autobuses turísticos (descapotables y vinilaos pa la ocasión) van percorrer la ciudá p’amosar el llume navidiego y faer esfrutar a los sos viaxeros del animáu ambiente que vive la ciudá mientres estes feches. La entrada va ser de baldre, hasta completar aforu, y l’entamu de los percorríos va ser en Fomentín.
El primeru de los autobuses, de color naranxa, va disponer de 76 places y va tener dolce paraes. Va percorrer primero cais de la zona Oeste de la ciudá, pa dirixise a El Cotu, L’Arena y zona centru. Esta llínea va operar 4 vegaes al día, mientres les tardes, de 18:00h a 22:30 hores. La duración averada del percorríu va ser de 1h y 15 minutos.
El segundu autobús, de color coloráu, va disponer de 64 places y va tener 5 paraes. Va percorrer la zona centru, hasta llegar a L’Arena y tornar de nuevu al Fomentín. Esta llinia va operar 8 vegaes al día, mientres les tardes, de 18:00 h a 22:15 hores. La duración averada del percorríu va ser de 30 minutos.
El serviciu, ufiertáu por ALSA, va tar operativu mientres 12 díes, del 23 d’avientu al 4 de xineru. (Los díes 24 y 31 d’avientu NUN va haber serviciu).
L’usu del mázcaru nos buses ye obligatoriu mientres tol trayectu y en toes los sos asientos.
