Les cais de Xixón yá tán viendo llegar el Nadal, y ye que les lluces tradicionales que cuelguen de los edificios de la ciudá tán siendo colocaes nestos últimos díes polos operarios del ayuntamientu y que van a cargu de la empresa Germán Vizcaíno.
Barrios como El Cotu, El Llanu o Contrueces cunten col allumáu de les feches navidiegues. Una llista a la que se van dir sumando el restu de barrios de la villa xixonesa. L’allugamientu d’adornos va siguir de forma progresiva pa engalanar les víes hasta principios d’avientu, cuando ta previstu l’encendíu oficial. Nesti añu ta más presente la innovación y la parte más artística, potenciando asina espacios céntricos y zones de barrios con muncha afluencia, coles mires d’aumentar les visites.
