El Conceyu de Xixón ta trabayando pa dotar d’accesu a internet a tol conceyu y poner fin a la desconexón qu’afecta a la zona rural. El conceyal de Distritu, Rural Ramón Tuero, caltuvo xuntes col Gobiernu asturianu, la Dirección Xeneral de Tresformamientu Dixital y distintos operadores de telecomunicaciones pa valorar les distintes alternatives al problema.
Nuna nota de prensa, el Conceyu recuerda que la competencia nesta materia ye esclusiva del Estáu, polo que cualquier intervención por parte d’otres alministraciones ensin tar coordinada col Estáu puede ser illegal. Amás, ésti ye quien regula que los servicios de telecomunicaciones sían ufiertaos nel mercáu en competencia cola obligación de dar serviciu de voz y datos a 1 mega bit per segundu.
Per otru llau, el Ministeriu d’Economía ye conocedor de toles infraestructures susceptibles de poder allugar redes o equipos de telecomunicaciones (canalizaciones, postes, depósitos d’agua, etc.), daqué obligatoriu según una orde ministerial de 2018.
