Les zones de xuegos nos parques de la ciudá tornen a tar zarraes al públicu infantil. El Conceyu autorizó’l sábadu la so apertura ente les crítiques del Principáu. Les autoridaes sanitaries de la comunidá confirmaron esti llunes al Conceyu que les zones infantiles nun pueden abrir hasta que la comunidá autónoma nun entre na nueva normalidá. Entiende’l Principáu qu’estos espacios nun puen abrir mientres s’aplique la orden que regula los paseos infantiles mientres l’estáu d’alarma. Esti documentu recueye que “nun se va permitir l’accesu a espacios recreativos infantiles al aire llibre”.
El Conceyu argumenta que reabrió les zones de xuegos infantiles «d’alcuerdu a les normes establecíes pa la fase 3». Y argumenta que’l so usu ta condicionáu al cumplimientu de les midíes de seguridá, utilizando mázcaros cuando ye necesario. El consistoriu esplicó amás nuna nota de prensa qu’estes zones desagafen trés vegaes al día.
La fase 3 de la desescalada permite la práctica de nueves actividaes, tanto n’espacios al campu como zarraos. Dientro d’estes normes queden dexaos los grupos d’hasta 15 persones, l’aumentu del aforu nos chigres, les actividaes al campu en grupos d’hasta 10 persones y les actividaes deportives d’hasta 20 persones. Amás, abrieron les piscines y les sableres. «Yá nun esisten franxes horaries que regulen les salíes de los menores y a éstos déxase-yos incorporase a toles actividaes enantes detallaes», conclúi’l Conceyu nuna nota.
